Klubi i Vllaznisë ka zyrtarizuar rikthimin e Esin Hakaj në Shkodër pas disa vitesh. Mbrojtësi ishte transferuar disa javë më parë në Turqi, por duket se eksperienca e tij atje ishte shumë e shkurtër.
Hakaj vendosi të largohej nga Samsunspor, pasi ndryshimi i trajnerit nuk i dha atij aspak hapësirë në skuadër.
Mbrëmë klubi i Vllaznisë konfirmoi përmes një postimi në rrjetet sociale se Hakaj ka arritur akordin dhe do të rikthehet të luajë në shtëpi e tij, në Shkodër.
“KF Vllaznia bën të ditur se mbrëmjen e sotme ka arritur marrëveshjen me futbollistin Esin Hakaj për të qenë pjesë e skuadrës për sezonin e ardhshëm. Firmosja e kontratës dhe prezantimi i tij do të bëhet gjatë ditës së nesërme. Hakaj në këtë mënyrë rikthehet në skuadrën tonë sërish pas 5 sezonesh.
Mirë se erdhe në shtëpi Esin!”-thuhet në postimin e Vllaznisë./Gijotina.com
