Kreu i PD Sali Berisha ka akuzuar qeverinë dhe kryeministrin Edi Rama për atë që e cilëson si një krim elektoral të pashembullt, duke deklaruar se janë realizuar mbi 10 mijë punësime shtetërore në funksion të blerjes së votës. Në një deklaratë për mediat, Berisha tha se bandat kriminale kanë vepruar në mënyrë të koordinuar në 10 qarqe dhe mbi 20 bashki të vendit për të siguruar fitoren e 30 kandidatëve të Partisë Socialiste.
Ai akuzoi gjithashtu qeverinë se shpërndau 138 licenca për miliona bimë kanabisi, duke përllogaritur se çdo bimë ka një vlerë prej 1 mijë euro. Sipas tij, kjo është një mënyrë e drejtpërdrejtë e financimit të krimit dhe manipulimit të zgjedhjeve. Berisha shtoi se dy ditë para zgjedhjeve, Rama “bëri publike blerjen e votës” duke falur 200 milionë euro gjoba dhe kamata të 10 viteve të fundit, veprim që e cilësoi si krim elektoral të pastër. Berisha përmendi konkretisht bashki si Vorë, Peshkopi, Mat, Durrës dhe Elbasan, ku, sipas tij, bandat dolën haptazi në momentet kur puna nëntokësore nuk po sillte rezultatin e dëshiruar.
Sali Berisha: Edi Rama nuk u përpoq të fshehë këtë herë krimin elektoral. Ai shpërndau 138 licencë për miliona bimë kanabis. Një bimë kanabis e ka prodhimin 1 mijë euro. Sesi i ndau mafia e drogës bimët për drogë është e thjeshtë. Rama bëri publike blerjen e votës kur dy ditë para zgjedhjeve fali 200 milionë euro gjoba dhe kamata të 10 viteve të fundit. Janë 500 mln euro PPP e koncesione.
Falja e gjobave, krim elektoral. Janë bërë mbi 10 mijë punësime shtetërore për votë. Bandat kriminale kanë vepruar më të kontrolluara se asnjëherë më parë. Bandat vepruan në 10 qarqe të vendit dhe në mbi 20 bashki, që të sjellin në parlament 30 kandidatë të PS-së. Ylli i kësaj fushate është Sara Mile, që arriti në 30 mijë, që tani po ulin votat, sepse bëhet barcaletë botërore. Bandat aty ku panë se puna e nëndheshme mund të mos realizonte objektivin, dolën haptaz në një seri bashkish, ndër të cilat në Vorë, Peshkopi, Mat, Durrës, Elbasan.
Discussion about this post