Pas kryetarit të Bashkisë së Tiranës, Erion Veliaj, në Komisionin Hetimor për inceneratorët po dëshmon sekretari i Përgjithshëm i Kryeministrisë, Ëngjëll Agaçi.
Në fjalën e tij, Agaçi mohoi të kishte njohur Zoton, Mërtirin dhe Gugallen, ndërsa gjithashtu mohoi që Këshilli i Ministrave të ketë firmosur autorizimin që pretendonte Tabaku.
“Nuk e njoh dhe nuk jam takuar kurrë me Klodian Zoton, Mirel Mërtirin dhe Stela Gugallen. Faleminderit që më thirrët në këtë Komision dhe që më dhatë mundësinë të flas për këtë çështje ndaj së cilës hidhet kaq shumë baltë. Është thënë padrejtësisht se Këshilli i Ministrave ka dhënë një autorizim për këto procedura, ky fakt nuk është i vërtetë. Ju lutem më lini pak kohë ta mbaroj. Unë nuk jam një politikan, hera e parë që kam mundësi të sqaroj këtë gjë. Ajo që ka më shumë rëndësi, për këtë komision hetimor është që Këshilli i Ministrave nuk ka miratuar kurrë projekt-aktin ku ju u referuat. Nuk është propozuar kurrë për shqyrtim dhe prandaj nuk është miratuar kurrë. Është shumë e thjeshtë për ta verifikuar”, tha Agaçi.
Për tre orë e gjysmë dëshmoi Veliaj, dëshmia e së cilit u shoqërua me debate të ashpra mes tij dhe opozitës, ndërsa në sallë ka dhe përfaqësues të Ambasadës Britanike.
Discussion about this post