Minatori Muharrem Plaku, i cili mbeti i bllokuar dje në orën 12:00 në galerinë e kromit në Bulqizë nuk është gjendur ende.
Sipas të dhënave të deri tanishme nga policia, kërkimet kanë zgjatur mbi 20 orë por ende nuk dihet fati i 60-vjeçarit, me detyrë zjarrmëtar
Burimet thanë se në Galerinë 3, që menaxhohet nga kompania minerare “KADURTEX” kanë qenë duke punuar 6 minatorë.
Në rrethana ende të panjohura është shembur masivi i kromit duke bllokuar hyrjen e galerisë. Pesë prej minatorëve kanë arritur të shpëtojnë, me dëmtime të lehta. Ndërsa kolegu i tyre ka mbetur i bllokuar. Në vendin e ngjarjes ka shkuar ekipi i Avari Shpëtimit të Minierave që po punon për largimin e masivit të gurëve në hyrje të galerisë. Ndërsa familjarët apelojnë që kërkimet të mos ndalen në asnjë moment, por të bëhen më intensive.
E.H /gijotina.com/
