Nga data 1 nëntor janë shtuar tre kategori të reja të marrjes së vaksinës anti-covid. Bëhet fjalë për personat mbi 60-të vjeç që duhet të marrin dozën e tretë, për 12 vjeç e lartë me sëmundje kronike dhe 16 vjeç +. Por në tre ditët e para interesi në Elbasan është 0.
Ndonëse në Elbasan është bërë gati infrastruktura e nevojshme për vaksinimin siç ka përcaktuar Komiteti Teknik i Ekspertëve në tre ditët e para mësohet se nuk është kryer asnjë vaksinë.
Erleta Hila, shefja e epidemiologjisë në Elbasan pohon se sikundër me studentët edhe me fëmijët 12 + dhe të rinjtë 16+ pritet të ketë hezitim në marrjen e vaksinës. Ajo i bën thirrje të rinjve dhe prindërve ta marrin në konsiderat thirrjen për vaksinim.
“Ka filluar procesi I vaksinimit, duke filluar nga një urdhër është hapur fasha moshore nga 11 vjec, 12, 16 vjec përfshihen fëmijët që kanë probleme me imunitetin dhe detyrimisht duhet të bëjnë Pfizer. Po bëhet një përzgjedhje për numrin e nxënësve që do të vaksinohen.
Sa i përket moshave të rritura si fillim do të vaksinohen ata me sëmundje shoqëruese dhe më pas të tjerët”-u shpreh ajo.
Edhe të rinjtë shprehen skeptik rreth marrjes së vaksinës anti-covid. Ata i druhen afekteve anësore, por edhe ideve konspirative që qarkullojnë në rrjete sociale.
Të rinjtë dhe fëmijët do të vaksinohen vetëm pasi prindërit do të firmosin, pasi nuk janë në moshë madhore për të vendosur. Por edhe në ketë drejtim ekziston stepja.
Discussion about this post