Katër persona janë vrarë me thikë në një shtëpi në Londër dhe policia ka arrestuar një burrë të dyshuar për vrasje, por ende nuk ka asnjë konfirmim nëse është autori.
Sipas Daily Mail detektivët e Scotland Yard u thirrën rreth orës 1:40 të mëngjesit të sotëm për të raportuar për një trazirë në një pronë në Bermondsey, Londra Juglindore.
Oficerët mbërritën në Delaford Road dhe kur hynë brenda në shtëpi gjetën tre gra dhe një burrë me lëndime të dukshme me thikë.
Pavarësisht përpjekjeve të shërbimeve të urgjencës, të katër personat u shpallën të vdekur në vendngjarje dhe oficerët tani janë në proces të kontaktimit me të afërmit, ndërsa mendohet se pesë personat mund të kenë pasur njohje me njëri-tjetrin.
Discussion about this post