Ka nisur vetëm pak minuta më parë dita e 7 e protestës kundër rritjes së çmimeve. Prej një jave në vendin tonë me qindra qytetarë dalin çdo ditë në protestë dhe kërkojnë uljen e çmimit për naftën, ushqimet dhe energjinë elektrike. Ndërsa dje ata kanë paraqitur tre kërkesat kryesore, miratimin e aktit normativ për minimumin jetik, heqjen e akcizës për naftën dhe uljen e TVSH për shportën bazë të ushqimeve.
Prej kaq ditësh ata shprehen se nuk kanë marrë atë që kërkojnë nga qeveria, por vetëm premtime boshe dhe propagandë, prandaj kanë dalë edhe sot në shesh, ku shprehen se nuk do të ndalen.
Qeveria ka prezantuar një paketë rezistenciale me 7 pika, por sipas protestuesve në asnjërën prej tyre nuk merren për bazë kërkesat e tyre. Ndërsa kanë par lajmëruar se këtë të shtunë do të zhvillohet një protestë më e madhe dhe nuk do të largohen nga sheshi derisa të marrin zgjedhje. Ata kanë lënë afat deri të shtunën për qeverinë, që të plotësojë kërkesat, ndryshe kryeministri Rama duhet të largohet nga detyra.
Discussion about this post