Humbja e papritur ndaj Skënderbeut shërbeu si një zgjim për Kukësin që u ul me këmbë në tokë. Verilindorët e shohin veten gjashtë pikë larg Tiranës kryesuese teksa trajneri Diego Longo ka theksuar se nuk mund të garantojë fitoren çdo ndeshje.
“Fshehje e kotë. Luajtëm një lojë të keqe. Kjo disfatë është e rëndë dhe jemi të zhgënjyer. Pas ndalesës do të zhvillojmë dy ndeshje shumë të rëndësishme, kthimin e Kupës me Egnatian dhe ndeshjen me Tiranën.
Siç thashë, që nga dita e parë, nuk mund të garantoj se do të fitojmë çdo ndeshje, por mund të premtoj përpjekje maksimale çdo ditë, çdo stërvitje dhe çdo lojë.
Ne duhet të mësojmë nga gabimet tona dhe të shohim përpara me besim, të vetëdijshëm se gjithmonë duhet të japim më të mirën”, theksoi trajneri Longo.
Discussion about this post