Tomas Strakosha e ka humbur vendin e titullarit tek skuadra e Lacios në ndeshjet e kampionatit por luan në çdo duel në Ligën e Europës duke u kthyer në një siguri absolute për bardhekaltërit.
Strakosha zhvilloi një ndeshje mjaft të mirë në duelin ndërmjet Marsejë dhe Lacios duke u bërë protagonist me pritjet e tij duke mbrojtur rezultatin.
26-vjeçari është nominuar nga UEFA si një ndër 4 pritjet më të mira të raundit të katërt të Ligës së Europës. Futbollisti i kombëtares bëri një pritje mjaft të bukur duke shpëtuar ekipin nga humbja.
Ky vlerësi vjen në një moment mjaft të mirë për Strakoshën, pasi atë ndeshje në stadiumin e Marsejës kanë qenë të pranishëm dhe skaut të Njukasëllit, klub që po kërkon me ngulm transferimin e shqiptarit që në janar.
Discussion about this post