Ish-deputeti i Partisë Demokratike, Arben Ristani i ka kundërshtuar deklaratat e Gazment Bardhit në lidhje me verifikimin e firmave për mbledhjen e kuvendit.
Ai tha se Kuvendi Kombëtar nuk po mblidhet në kushte normale, ndërsa pohoi se statuti nuk i jep askujt të drejtë për verifikimin e firmave. Ndër të tjera, demokrati tha se do të jenë edhe më shumë firma nga sa është deklaruar deri më tani. Më tej do të ketë dhe një njoftim zyrtar.
“I kam parë me sytë e mi dhe nuk do të jenë 4,200, do jenë dhe shumë të tjera akoma. U thirr njoftimi zyrtar sot, që u bë konferenca e zotit Berisha. U bë dërgimi i dokumentacioneve, dhe do të ketë njoftim zyrtar në emër të 1 të 4 që e ka autorizuar zotin Berisha. PD zyrtare është Kuvendi, kryetari dhe të tjerët janë ata që janë”, u shpreh Ristani.
Gjithashtu Arben Ristani theksoi se të dhënat e anëtarëve nuk mund të dalin, sipas vendimit të PD-së.
Discussion about this post