U shkarkua nga posti i nënkryetarit në bashkinë e Durrësit, Arbër Braho nuk i ka kursyer deklaratat për Vangjush Dakon dhe drejtuesen e këtij institucioni.
I ftuar në media, këtë të enjte Braho ka pohuar se nuk ka pasur më asnjë komunikatë me përfaqësues të bashkisë madje as me kryeministrin Rama. Ndër të tjera ai ka theksuar se shkarkimin do ta ndjekë në rrugë ligjore ku do të ngrejë padi. Braho ka bërë me dije se për aq kohë sa Dako drejton bashkinë, nuk do të kenë fund denoncimet ndaj tij. Më tej ka një kërkesë për ish-kryebashkiakun ku i kërkon të mos heqë bashkëshorten nga puna dhe kjo si një formë hakmarrje për ngjarjet e fundit.
Ish-nënkryetari ka folur dhe për çështjen “xhuxhi 339” për të cilën shkruante dhe në një postim në “Whatsapp”. Sipas Brahos, ai është zbuluar nga DASH, pasi nuk e zgjidhën dot institucionet shqiptare. Më pas duke vijuar se në celularin e tij mund të postojë gjithçka që ai do.
“Nëse ky status i dogji dikujt nuk është problemi im. Unë e kisha për një xhuxh te 339, që e gjeti DASH e nuk e gjetën institucionet në Shqipëri. Telefoni është i imi, numri është i imi…” tha ai.
Në përfundim ka dhe një kërkesë për Emiriana Sakon, ku i kërkon kësaj të fundit të kryejë disa shërbime për banorët e disa zonave në qytetin bregdetar.
Discussion about this post