Tensionet politike në Maqedoninë e Veriut nuk kanë të sosur. Kryetari i Lëvizjes BESA, Bilall Kasami, i ka bërë thirrje kryeministrit dhe qeverisë, që të japin llogari se ku ndodhet deputeti Kastriot Rexhepi.
“Qeveria duhet të jep përgjegjësi, nuk mund një deputet me imunitet të humbë dhe të mos dihet se ku është. Kjo është një situatë serioze. Deri sa nuk del para opinioni nuk është valide. Kastriot Rexhepi duhet të del me figurë” – tha Kasami.
Në momentin që po fliste Bilall Kasami u publikua edhe video-mesazhi i deputetit Kastriot Rexhepi. Por, Kasami tha se dëshiron ta shohë personalisht dhe jo nëpërmjet video mesazheve në rrjetet sociale.
Deputeti nga radhët e Lëvizjes Besa, Kastriot Rexhepi pas ngritjes së shqetësimeve se mos ndoshta nuk ishte i sigurt, ka shuar zërat me anë të një video-mesazhi. Në një postim në llogarinë e tij në Faceboo, Rexhepi shprehet se siguria dhe stabiltieti i vendit si dhe paqja dhe mirëqenia e popullit duhet të jenë gjëja më e rëndësishme.
Discussion about this post