Kombëtarja e Shpresave luan pas pak minutash me Slloveninë në sfidën e vlefshme për kualifikueset e kampionatit Europian për vitin 2023. Kuqezinjtë kanë bërë paraqitje të mira në ndeshjet e para teksa kërkojnë të lënë gjurmë edhe sot në këtë duel që zhvillohet në transfertë.
Shqipëria e trajnerit Alban Bushi është në garë për të siguruar kualifikimin teksa do të provojnë të marrin pikët e plota në këtë sfidë. Shqipëria vjen në këtë sfidë pas dy fitoreve radhazi ndaj Kosovës dhe Sllovenisë.
Në këtë duel që do të zhvillohet në stadiumin “Bonifika” kuqezinjtë do të luajnë me këtë formacion.
Tafas, Ismajlgeci, Pëllumbi, Selmani, Mitaj, Asllani, Çelhaka, Marku, Dobra, Muçi, Ndrecka.
Shqipëria ndodhet në vendin e 3, në Grupin G me 9 pikë, 2 më pak se kryesuesit e Republikës Çeke.
Discussion about this post