Kombëtarja e Italisë humbi një shans ideal mbrëmjen e kaluar duke shpërdoruar një penallti e cila do t’i siguronte kualifikimin në Kupën e Botës. Zhorzhinjo gaboi në minutat e fundit të ndeshjes teksa trajneri Roberto Mancini theksoi se mund të ndryshojë vendimin për ekzekutimin e penalltive.
“Kemi gabuar një penallti në ndeshjen e vajtjes dhe një në të kthimit, por janë gjëra që ndodhin në futboll. Më duket e drejtë që 11-metërshin e ka goditur Jorginho, sepse e ndjente për ta bërë diçka të tillë. A do të ndryshoj goditësin e penalltive në kombëtare? Nuk e di, Jorginho është shumë i mirë për t’i goditur.
Do të flas me të duhet të jetë i qetë, nëse do t’i ndodhë sërish të gabojë, atëherë do ta ndryshojmë goditësin. Ishte një ndeshje e vështirë dhe goli i pësuar na i komplikoi gjërat. Megjithatë në pjesën e dytë meritonim të shënonim. Jemi sërish në avantazh ndaj Zvicrës për ndeshjen e fundit. Ndaj Irlandës së Veriut do të synojmë të bëjmë një ndeshje të mirë dhe të gjejmë golat që na munguan ndaj helvetëve”, tha trajneri Roberto Mancini.
Discussion about this post