Ish-konkurrenti i “Për’puthen 2”, Mevlan Shaba, njihet për skenat e famshme që ka lënë brenda emisionit, por gjithashtu edhe për gjestet romantike, ku një prej tyre ishte edhe krijimi i një kënge për Ledjanën.
Kjo këngë më pas u prit shumë mirë saqë publiku i kërkoi Mevlanit për të nxjerrë këngën e plotë, dëshirë e cila u realizua.
Por sot, kjo këngë është fshirë nga YouTube dhe është kthyer në një version tjetër nga ish-konkurrenti.
Mevlani disa ditë para publikimit shkroi në TikTok:
“Në fund vendosëm që ishte një krijim i mrekullueshëm dhe duhet të jetë për çdo femër”.
Kënga u pubikua ditën e djeshme dhe titullohet “Bota Ime”, duke zëvendësuar kështu emrin e Ledjanës. Videoklipi është shumë romantik dhe pranë një vajze brune.
Petro, krijuesi i muzikës, ka postuar një InstaStory duke shkruar:
“Vepër arti dhe dedikim vetëm për muzikën.”
Mevlani dje ishte i ftuar te emisioni “Breaking” dhe u pyet në lidhje me një përballje me Ledjanen dhe ai u shpreh se është i hapur për çdo përballje, pasi është i pastër dhe nuk ka asgjë që e pengon.
Discussion about this post