Ish-zyrtari i lartë i arrestuar i FBI-së , Charles McGonigal, ishte personi që luajti një rol kyç në hetimin kontrovers ndaj ish-presidentit amerikan, Donald Trump dhe spekulimeve për lidhjet e tij me Rusinë.
Por pas arrestimit të McGonigal të shtunën, për shkak se akuzohet se ka punuar për Rusinë, ka reaguar vetë ish-presidenti Trump.
Në një postim në rrjetin social ‘Truth Social’, Trump bëri një postim pasi Departamenti i Drejtësisë bëri të ditura akuzat ndaj McGonigal.
“Ky ishte ai tipi i FBI që m’u vu pas për Rusinë, Rusinë, për mashtrimin me Rusinë, shumë kohë përpara zgjedhjes sime si president. Ai sapo u arrestua për marrjen e parave nga Rusia, Rusia, Rusia. Le të kalbet në ferr”, shkruan Trump.
Ndërkohë, sipas gazetës NY Post, ishte pikërisht McGonigal njeriu që provokoi nisjen e hetimeve kontroverse ndaj Trump.
Ai ishte i pari që tha se kishte mësuar nga një këshilltar i fushatës së Donald Trump, se Rusia kishte materiale komprometuese për Hillary Clinton.
Edhe në dëshminë e mëvonshme në Komisionin e Senatit, u tha se ishte një email nga McGonigal, ku thuhej se ka baza për të nisur hetimet, që nxiti hapjen e çështjes nga FBI.
Më pas u caktua një hetues special, raporti i të cilit arriti në konkluzionin se nuk ka prva se Trump apo njerëzit e tij të kenë bashkëpunuar apo të jenë koordinuar me qeverinë ruse për ndërhyrje në fushatën zgjedhore.
Discussion about this post