Kreu i PD Sali Berisha në konferencë për mediat ka lëshuar akuza të forta në drejtim të kreut të qeverisë Edi Rama.
Berisha madje ka paralajmëruar se nëse Rama nuk jep dorëheqjen, Shqipëria nuk do të gjejë paq. Për Berishën, Rama meriton dënimin më të rëndë.
Berisha: Do kemi betejë me gjithë mjetet e mosbindjes civile. Ky ka kryer aktet më makabre dhe më të rënda. Këto janë mesazhet e mia, por jam i bindur se këto burojnë nga mendja e çdo demokrati. E panë qartë sesi një demon pushteti ka angazhuar nën petkun e FBI agjenturën ruse për shkatërrimin e forcës kryesore politike opozitare.
Pjesa tjetër e PD ka të njëjtin mendim dhe natyrisht forumet e PD do të konsultohen gjërësisht, por jeni dëshmitarë se unë kam shpallur Edi Ramën armik të ekzistencës së PD, apo nuk është kështu? Kam paralajmëruar se shqiptarët nuk mund të votojnë me një armik të votës së tyre.
Kjo është beteja finale, unë i them ta japë (dorëheqjen), por Shqipëria nuk do të ketë më paq. Ka përdorur paratë, shërbimet, ka kontraktuar njëshin e kundërzbulimit të FBI për t’i futur thikën PD dhe për ta nxjerrë nga skena politike. PD do i japë reston, çdo demokrat është para aleternativës të ekzistencës apo jo të PD, të mbrojtjes së saj me çdo çmim. Natyrisht do mblidhen forumet, do takohen aleatët, por Shqipëria nis betejën finale kundër këtij armiku.
Discussion about this post