Angli/ Kapen në ‘shtëpi bari’, burg për 2 të rinjtë shqiptarë

Dy të rinj shqiptarë kanë dalë para gjykatës britanike, pasi u kapën në një ‘shtëpi bari’ në Angli.

Bëhet fjalë për Landi Ruçin, 32 vjeç dhe Elidon Hodajn, 27 vjeç, të cilët akuzohen për prodhimin e drogës në Bangor.

Të pandehurit, të dy pa adresë fikse, folën vetëm për të konfirmuar detajet e tyre përmes një përkthyesi shqip gjatë seancës së shkurtër të pasdites së djeshme.

Ata akuzohen për prodhimin e një sasie të madhe kanabisi, një drogë e kontrolluar e klasit B, në Bangor.

Prokurori kërkoi ‘arrest me burg’ për Ruçin dhe Hodajn, ndërsa shtoi se nuk kishte asnjë kërkesë për lirimin e tyre me kusht.