Një aksident ka ndodhur në Shkodër. Një kamion me një eskavator të ngarkuar është përplasur me mbikalimin në lagjen Bahcallëk. Si pasojë e përplasjes nuk ka pasur persona të lënduar, por është dëmtuar mbikalimi e ka bllokuar rrugën për pak momente.
Tani është kryer devijimi i trafikut në hyrje të Shkodrës.
Njoftimi i policisë:
Shkodër/Informacion paraprak
Rreth orës 12:00, është shembur pjesërisht mbikalimi i këmbësorëve, në vendin e quajtur “Ura e Bahçallëkut”.
Në momentin e shembjes, nuk ka patur në lëvizje automjete dhe as këmbësorë.
Në vendngjarje janë shërbimet e Policisë, shërbimet e zjarrfikëses dhe të Entit Pronar të Rrugës, të cilët po punojnë për hapjen e rrugës.
Grupi hetimor ndodhet në vendngjarje dhe nën drejtimin e Prokurorisë, po punon për zbardhjen e shkakut të shembjes së mbikalimit.
Discussion about this post