Detajet, BKH fut në ‘sitë’ të rrezikshmit në Elbasan

Zbardhen detaje nga operacioni në Elbasan! Mësohet se Oficerë të Byrosë Kombëtare të Hetimit kanë “zbarkuar” gjithashtu në qytetin e Elbasanit.

Ata kanë kryer kontrolle në disa banesa për persona me rrezikshmëri të lartë, me urdhër të Gjykatës kundër Korrupsionit dhe Krimit të Organizuar.

Ky operacion është zhvilluar pasi një person, i cili është arrestuar tashmë, dyshohet se është kthyer në bashkëpunëtor të drejtësisë. Ai akuzohet për porositjen e disa vrasjeve në vend, por identiteti nuk i është zbuluar akoma.

Hyrje-daljet e Elbasanit janë rrethuar gjithashtu nga forcat e policisë dhe po ushtrohen kontrolle të shumta.