Bukuroshja spanjolle Joana Sanz po përjeton një fazë të komplikuara të jetës së saj, mes vdekjes së nënës, më 17 janar dhe procesit ligjor me të cilin përballet futbollisti dhe bashkëshorti i saj Dani Alves, i akuzuar që prej 20 janarit për përdhunimin e një vajze 23-vjeçare, në një banjë private në klubin e natës Sutton në Barcelonë.
Tani, bashkëshortja nga Tenerife i është drejtuar llogarisë së saj zyrtare në Instagram për të ndarë një mesazh, në të cilin ajo falënderon mbështetësit e saj për shprehjet e dashurisë dhe mbështetjen që i kanë arritur ditët e fundit.
“Faleminderit për kaq shumë mesazhe mbështetjeje. Ju lexova dhe e vlerësoj nga zemra kaq shumë dashurinë e marrë”,- ka shkruar ‘ndikuesja’ në llogarinë e saj në Instagram.
Pak ditë më parë, Joana Sanz vendosi të largohej nga qendra e vëmendjes së mediave me një arratisje të shkurtër në një qytet ikonik: Paris, ku udhëtoi me disa miq. Prej aty, më e qeshur, modelja ndau disa imazhe të disa këndeve të kryeqytetit francez, si kulla Eifel.
Discussion about this post