Ndeshja e tij e fundit me kuqezinjtë daton në 18 shtator kundër Napolit, por tjetra mund të jetë shumë afër. Mike Maignan më në fund duket se është në metrat e fundit të një procesi shumë të gjatë rehabilitimi dhe lajmi i mirë për Milanin dhe tifozët e klubit menegin është se “Magic Mike” duhet të jetë në fushë për ndeshjen e kthimit të raundit të 1/8 të UEFA Champions League kundër Tottenhamit të planifikuar për në 8 mars.
Këtë e bën me dije “La Gazzetta dello Sport”, e cila shton gjithashtu se numri 16 do të tentojë të luajë të paktën 90 minuta në Serie A para ndeshjes në Londër në ndeshjet kundër Atalantës (26 shkurt) dhe Fiorentinës (6 mars).
Nisur nga precedentët, asgjë nuk është ende e sigurt, por këtë herë duket se është koha e duhur për rikthimin në fushë të një prej protagonistëve të mëdhenj të kampionatit të suksesshëm të vitit të kaluar. Gjatë këtyre ditëve, Maignan është rritur në mënyrë progresive. Tashmë, tifozët shpresojnë që, me rikthimin e Maignan, të mos pësohen më ato gola që më Tatarusanun kanë qënë të evitueshëm.
Discussion about this post