Armando Broja do të jetë një nga mungesat e shumta të Kombëtares shqiptare sonte në mbrëmje ndaj Andorras në sfidën e cila zhvillohet në “Air Albania” duke nisur nga ora 20:45. Futbollisti shtatlartë nuk është grumbulluar nga trajneri Edi Reja i cili theksoi në konferencën për shtyp se futbollisti i talentuar i ka kërkuar që të qëndrojë në Angli për të vijuar rikuperimin nga dëmtimi. Pak orë para startit të ndeshjes, Armando Broja ka zgjedhur në përkrah Kombëtaren nëpërmjet një urimi në rrjetet sociale ku shkruan:
“I uroj çunave suksese sonte. Një urim të veçantë e kam për të gjithë tifozët kuqezi për mbështetjen e madhe që na jepni gjithmonë të luftojmë për flamurin tonë! Ne jemi kuqezi, ne jemi Shqipëria! Forca!”, është reagimi i sulmuesit Armando Broja. Si askush tjetër më parë, Broja i ka dhuruar Shqipërisë 6 pikë në dy ndeshje radhazi me fanellën kuq e zi.
Discussion about this post