Presidenti i Serbisë, Aleksandar Vuçiç, tha se do të jetë gjithnjë e më e vështirë për Serbinë pasi situata në botë po komplikohet dhe se Perëndimi dëshiron ta marrë “kartën e Kosovës” nga duart e presidentit rus Vladimir Putin.
Duke folur për kritikat për politikën në lidhje me Kosovën, Vuçiç pyeti “a doni paqe, apo t’i dërgoni fëmijët në luftë”.
“Doni paqe? Mos u ankoni se gjithçka në botë është tradhti”, tha Vuçiç nga Abu Dhabi.
Siç transmeton “N1”, Vuçiç vlerësoi se konflikti ukrainas-rus do të vazhdojë të përshkallëzohet, sepse në fjalimet e sotme të presidentëve të Rusisë dhe Shteteve të Bashkuara, Vladimir Putin dhe Joe Biden, askush nuk foli për paqen, por vetëm për fitoren ndaj palës tjetër.
Për Putinin, e vërteta është në anën e Rusisë, dhe për Biden, Ukraina nuk është vendi ku Rusia do të fitojë.
“Është e qartë se po shkojmë drejt ndezjes së mëtejshme të konfliktit.
Është e qartë se askush nuk dëshiron të pranojë një zgjidhje të mesme, por fitoren e tyre dhe humbjen e palës tjetër”, tha ai.
Discussion about this post