Kuqezinjtë e kanë mbyllur me një fitore minimale ndaj Andorrës në “Air Albania” rrugëtimin për Botërorin, Katar 2022.
Për këtë ka reaguar me anë të një postimi në Facebook edhe kryeministri Edi Rama, duke falenderuar futbollistët dhe trajnerin për emocionet e bukura që dhuruan.
“Kombëtarja kuqezi nuk është e jona vetëm kur fiton, po edhe kur humbet dhe ky i kësaj radhe mbetet një edicion i bukur i kuqezinjve, për të cilin të gjithë djemtë e kësaj skuadre dhe trajneri ynë, meritojnë falenderime për emocionet që na dhuruan e respekt për të 18 pikët që grumbulluan. Me grupin plot të rinj dhe eksperiencën e fituar në këto eliminatore, më e mira është ende përpara për këtë Kombëtare” – shkruan Rama.
Në total kombëtarja mblodhi 18 pikë dhe ndryshe mund të thuhet se është një nga edicionet më të mira të, pasi kurrë më parë nuk kemi marrë kaq pikë dhe të përfundojmë në vendin e tretë pas Anglisë dhe Polonisë.
Discussion about this post