Kryetari i Partisë së Lirisë, Ilir Meta shprehet se Shqipëria ofron ndihmë ekonomike shumë më të ulët se Kosova, edhe pse buxheti është dy herë më i lartë.
Meta thekson se kjo qeveri urren edhe shqiptarët e thjeshtë pasi është armike e interesit publik. Për këtë arsye thekson ai, kjo qeveri duhet të largohet një orë e më parë.
“Buxheti vjetor i Shqipërisë është dy herë më i lartë se sa buxheti i Kosovës. Por në Shqipëri, ndihma ekonomike dhe pensionet janë shumë më të ulëta se sa në Kosovë, sepse paratë e shqiptarëve shpërdorohen nga korrupsioni i shfrenuar qeveritar.
Kjo Qeveri i urren shqiptarët e thjeshtë.
Kjo Qeveri i urren shqiptarët e varfër dhe të ndershëm. Ajo është armike e interesit publik, prandaj ajo duhet të largohet një orë e më parë”, shkruan Meta.
Discussion about this post