Një person ka mbetur i lënduar nga një mjet i mprehtë në rrugën “2 Korriku” në Prishtinë dhe më pas është dërguar për trajtim mjekësor.
Rasti është konfirmuar për Express nga zëdhënësja e rajonit të Prishtinës, Flora Ahmeti, e cila tha se në stacionin policor po intervistohen tre persona, të cilët dyshohen të jenë përfshirë në rastin në fjalë.
“Sot rreth orës 18:30, kemi marrë informacion për një lëndim trupor të ndodhur në rrugën “2 Korriku” në Prishtinë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, ka thënë Ahmeti.
Ahmeti tregoi se aktualisht në stacion policor po intervistohen tre persona të cilët dyshohet të jenë të përfshirë në rastin në fjalë.
Discussion about this post