Deputeti holandez sulmon Vuçiçin në lidhje me deklaratat e tij

Deputeti i parlamentit holandez, Thijs Reuten, ka shkruar në lidhje me deklarimet e presidentit serb Vuçiç se nuk do ta lejojë anëtarësimin e Kosovës në Organizatën e Kombeve të Bashkuara (OKB).

Reuten shkruan se një gjë e tillë është “zhgënjyese” pse nuk është një surprizë.

Në një postim në Twitter, ai ka deklaruar se refuzimi i Vuçiçit për të nënshkruar marrëveshjen me Republikën e Kosovës është “i turpshëm”.

“Refuzimi i turpshëm i Vuçiçit për të nënshkruar marrëveshjen e normalizimit me Republikën e Kosovës, të cilën ai ‘e pranoi’ të hënën, qartazi tregon që Serbia thjesht po luan me kohën. Sërish. Ledhatimi duhet të marrë fund. Karrotat kanë dështuar. Nxirrni shkopinjtë.”, është shprehur z. Reuten.

Kujtojmë se deklaratat e z. Vuçiç për Radio Televizionin e Serbisë të dhëna para dy netësh, i denoncoi edhe kryeministri i Kosovës Albin Kurti duke thënë që do të përbënin “shkelje të nenit 4” të propozimit europian për të cilin u ranë dakord.

nacionale