Pas vendimit që mori sot Gjykata e Apelit për vulën e PD, Sali Berisha do mbledhë Këshillin Kombëtar të PD më 5 mars. Mësohet se mbledhja do të mbahet më 5 mars, ora 17:00.
Mësohet se Sali Berisha, të dielën në orën 17:00 do të mbledhë Këshillin Kombëtar. “Të nderuar anëtarë të Këshillit Kombetar, te dielën data 5 mars, ora 17.00 do të mblidhemi për të diskutuar mbi situatën më të fundit politike”, është njoftimi i shpërndarë për anëtarët e Këshillit Kombëtar në PD.
Gjykata e Apelit vendosi këtë të premte të prishë vendimin e 25 marsit 2022 të gjyqtarit Agron Zhukri që njohu Kuvendin e 11 dhjetorit dhe ndryshimet statutore.
Treshja e gjyqtarëve Elona Mihali, Astrit Kalaja dhe Irida Kacerja riktheu çështjen në shkallë një vendim ky i marrë me ndërhyrjen e Edi Ramës, për të pamundësuar pjesëmarrjen e Partisë Demokratike në zgjedhjet vendore të 14 majit.
Discussion about this post