Prokuroria ka lëshuar 7 urdhër-arreste për vrasjen e 39-vjeçarit në një kafene në Nea Joni, më 21 shkurt, pas identifikimit të autorëve. Sipas mediave të huaja, 6 urdhër-arreste janë lëshuar me anëtarët e grupit kriminal “L”, ndërsa urdhri i shtatë është nxjerrë për një person të armatosur që ka qenë në shoqërinë e 39-vjeçarit Pëllumb Islami dhe ka marrë pjesë në vrasje.
Të gjashtë anëtarët e grupit “L” mësohet se ndodhen ende në Greqi, ndërsa mendohet se i shtati është arratisur drejt vendit të tij. Pra në Shqipëri.
Ngjarja e rëndë ndodhi në një lokal rreth 2 javë më, pas një përleshjeje mes dy grupeve të përbërë nga shqiptarë. Një prej plumbave ka kapur aksidentalisht Islamin, duke i marrë jetën në vend. Viktima nuk kishte asnjë lidhje me personat në fjalë, por ishte duke parë ndeshjen me shokët e tij. Ai punonte si hidraulik në shtetin helen.
Por një version tjetër është se Elis Salaj, kreu i grupit “L” në Athinë, ka dyshuar se autor i atentatit të dështuar ndaj tij është vëllai i shtetasit Pellumb Islami. Dy të fundit ndodheshin mbrëmjen e 21 shkurtit në lokalin në “Nea Ionia”.
Vëllai i viktimës ka debatuar me grupin rival dhe të gjitha palët kanë dalë jashtë ku ka pasur shkëmbim zjarri. Nga të shtënat me armë ka mbetur i vrarë 40-vjeçari Islami nga Rusani i Delvinës dhe hetimi ka zbuluar se personi që ka goditur me armë është Elis Salaj. Ky i fundit fillimisht tentoi t’i vriste vëllanë në dhjetor 2022, jashtë një klubi natë, por iu bllokua automatiku.
Discussion about this post