Ylli Manjani, ish ministër i Drejtësisë, ka komentuar me nota ironike kontrollet që BKH dhe SPAK kanë ushtruar dje në pronat e Ahmetajt si dhe ato të ish-bashkëshortes dhe partneres akltuale.
Postimi:
Vetëm pak orë pasi foli udhëheqësi, i cili tha se “po të ishte ai gjykatës, do ishte më keq..”, SPAK-u i pavarur u shkon për kontroll grave të Arben Ahmetaj.
Edhe pastaj i kërkohet publikut të besojë se drejtësia është e pavarur dhe, se Ai nuk është gjykatës.
E pavarur, posi!
Sa e pavarur është drejtësia u provua edhe dje. Njësoj si me rastin Edvin Prifti, kur Ai tha u arrestua mjeku, ku në fakt mjeku ishte ende në kafe para gjykatës. Njësoj edhe për arrestimin e kryetarit të bashkisë Lushnje.
Njësoj të gjitha rastet. Ai flet, drejtësia vepron.
E pavarur fare!
Ndërkohë për një gjë kishte të drejtë. Dje nuk u soll si gjykatës, por si hetues grash.
Si hetues i grave të bashkëpunëtorit të tij të ngushtë… Gjest i ulët ky, si hetuesia e komunizmit, që i detyronte gratë të dorëzonin burrat e tyre armiq të partisë e popullit..!!
Ai nuk dje nuk ishte gjykatës, por hetues i grave të armikut të partisë!
Discussion about this post