Një sulm me armë zjarri ka ndodhur ditën e sotme në Meksikën qendrore. Mediat e huaja raportojnë se të paktën 10 persona kanë mbetur të vrarë dhe 5 të tjerë të plagosur.
Ngjarja ka ndodhur në ambientet e një lokali në Guanajuato, ku siç raportojnë mediat e huaja, një grup burrash të armatosur kanë hyrë brenda lokalit ku kishte klientë dhe kanë hapur zjarr.
Sulmi ndodhi pas orës 23:00 me orën lokale të së shtunës (5 pasdite GMT) më konkretisht në lokalin “El Estadio”.
Numri aktual i të vdekurve është shtatë burra dhe tre gra. Guanajuato, një rajon industrial i begatë dhe shtëpia e disa prej destinacioneve turistike më të njohura të Meksikës, është bërë shteti më i përgjakshëm i vendit.
Dy kartele, Santa Rosa de Lima dhe Jalisco Nueva Generacion, po zhvillojnë luftëra vdekjeprurëse në terren. Ata janë të përfshirë në trafik droge.
Discussion about this post