Përfaqësuesi i PD-së së Sali Berishës në KQZ, Ledio Nuraj deklaroi se vula dhe simbolet e Partisë Demokratike janë në dorën e anëtarësisë.
Pas vendimit të Komisionerit Shtetëror për Zgjedhjet, Ilirjan Celibashi për mos regjistrimin e PD në zgjedhjet e 14 majit, Nurja u shpreh se anëtaësia ka zgjedhur Berishën si kryetar dhe shtoi se vendimi do të ankimohet në KAS.
“Duhet të ndërgjegjësohemi, siç u pa edhe sot, vula nuk ka kaluar ashtu siç është munduar të paraqesë propaganda e qeverisë deri më tani. Vula, simbolet dhe PD është në dorën e anëtarësisë dhe atje ku është anëtarësia.
PD e vërtetë, është ajo PD ku aderon anëtarësia e saj prej 32 vitesh, me kryetar Sali Berishën. Ne kemi kërkuar të zbardhet sa më shpejt vendimi i sotëm, për të cilën do të ushtrojmë të drejtën ankimore, në KAS dhe më tej nëse është e mundur”, theksoi ai.
Kryekomisioneri Ilirjan Celibashi refuzoi sot kërkesën e grupit Alibeaj, si dhe atij të drejtuar Berisha, për tu regjistruar në lolaket e ardhshme si Partia Demokratike.
Discussion about this post