Tre oligarkët Behar Çukaj, Gega dhe Fatjon Mita kanë përfituar 2.5 miliardë lekë pa garë nga bashkitë ne vend që t’u furnizojnë makinat me naftë. Të tre firmat e tyre kanë firmosur kontratë në një ditë, për naftë në bashki të ndryshme. Gega Center GKG” shpk, firma në pronësi të familjes së njohur Gega, ka fituar tenderin nga Bashkia Cërrik. Tenderi ka si objekt “Blerje Karburant për vitin 2023” dhe fondi limit i vënë në dispozicion është 80 milionë lekë. Gega nuk ka pasur asnjë konkurrentë në këtë garë dhe kryetari Andis Salla i ka vulosur fitoren Donike Gegës duke cenuar tregun e lirë.
Open Data Albania i ka dhënë flamurin e kuq prokurimit. Por, sërish Salla nuk e ka marrë parasysh. Kështu fondi prej 800 milionë lekë i është dhënë Gegës, dhe kjo e fundit to t’i mbush makinën me naftë Sallës deri në fund të vitit, sigurisht nëse do vazhdojë të jetë kryetar pas 14 Majit.
Ndërkohë fill pas kontratës së Gegës, është shtuar në listën e aferave korruptive tenderi i fituat nga biznesmeni Behaj Çuka.
Këtë herë ai ka fituar përmes firmës “O L S I” shpk, por biznesmeni herë pas herë përdor për tenderë edhe firmën “Bolv Oil” që ka të njëjtin objekt dhe qëllimi si “O L S I”. Çuka edhe pse ka konkurruar në bashkinë Delvinë, një njësi vendore po aq e vogël sa Cërriku, ka kërkuar më shumë para për t’i furnizuar makinën me karburant kryetares Majlinda Qilimi. Kjo e fundit i ka firmosur kontratën me vlerë 110 milionë lekë biznesmenit.
Njësoj si Salla, edhe Qilimi ka nxituar për të mbyllur projektin dhe “O L S I”e ka përfituar kontratën pa zhvilluar fare garë, sikur e kërkon ligji. Duke shtuar një tjetër abuzim në tregun e shitjeve të karburanteve dhe duke vjedhur haptazi fondet e bashkisë.
Bashkia e tretë që ka zgjidhur qesen e fondeve për karburant është ajo e Këlcyrës.
Pa asnjë ndryshim nga dy bashkitë më parë, edhe ky institucion ka firmosur kontratën në shkelje të ligjit. Ajo çka ndryshon është fituesi dhe vlera e fondit limit.
Kryetari Klement Ndoni ka vendosur të shpenzojë 58 milionë lekë që makina e tij të ketë të siguruara naftën deri në fund të vitit 2023. Me sa duket edhe Ndoni paska plane që pas 14 Majit të zgjidhet sërish kryetar.
Por, nuk e dimë sa do ta votojnë qytetarët po të shohin kontratat abuzive që nënshkruan ai. Ndoni ia ka dhënë tenderin firmës AZ Distribution” shpk, në pronësi të Fatjon Mitës. Asnjë firmë tjetër nuk ka shfaqur interes për këtë projekt dhe në mungesë të konkurrencës Mita ka përfituar.
Pra kemi tre tenderë, që me paratë tona, blejnë naftë, në një kohë ku çmimi është në stratosferë, Të tre tenderët janë pa garë dhe me oferta sa 99% e fondit limit. Këto janë shkelje që SPAK nuk duhet t’i neglizhojë, por duhet të fillojë hetimet njësoj siç bëri me kryebashkiakun e Bulqizës.
Lexo edhe: Veliaj jep 180 mln lekë për makina/ Çdo javë nga një tender dhuratë për oligarkun Behar Çukaj
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post