Komisioneri Shtetëror i Zgjedhjeve, vendosi ditën e Shtunë të regjistrojë koalicionin “Bashkë Fitojmë”, duke përjashtuar nga ky koalicion PD-në e Sali Berishës.
Vendimi u morr nga kryekomisioneri Ilirjan Celibashi i cili tha se regjistrohet koalicioni “Bashkë Fitojmë” por me parti pjesëmarrëse PL, PDK dhe PBDNJ.
Indrit Sefa, si përfaqësues i përhershëm i PD në KQZ, kërkoi nga komisioneri Celibashi të rrëzohej kërkesa për regjistrimin e këtij koalicioni, me argumentin se PD, e grupimit të Alibeajt, nuk ka bërë kërkesë për asnjë bashkëpunim në koalicion.
Ndërkohë përfaqësuesi ligjor në KQZ i PD së Berishës tha se Sefa nuk kishte legjitimitetin për të bërë kërkesa.
Celibashi: Jemi para të njëjtës situatë sikurse ishte ajo e zgjedhjeve të 6 marsit. Ajo që thotë përfaqësuesi i PD (Indrit Sefa) që PD nuk është pjesë e asnjë koalicioni, mungon vullneti i PD për të qenë pjesë e një koalicioni.
Nuk shoh shkak për të marrë vendim të pjesshëm apo të ndërmjetëm për të bërë plotësim dokumentacioni.
Discussion about this post