Edhe Zvicra ka filluar grumbullimin e saj nga dita e hënë kur protagonist për helvetët në këtë grumbullim duket të jetë i vetmi shqiptarë mes lojtarëve kryesorë Granit Xhaka, lojtari i Arsenalit i cili që në ditën e parë nën urdhrat e trajnerit Murat Yakin, ka patur një vonesë për rreth 2 orë.
Mesfushori nga Kosova mbërriti i shoqëruar nga vëllai Taulanti me një Lamborghini Urus.
“Kjo vonesë do të të kushtojë diçka”, i tha Embolo, Xhakës me shaka, pasi ai është dhe një prej miqve më të ngushtë të shqiptarit.
Xhaka ia ktheu: “Hiç më larg se ti nuk jam”.
Zvicra është në një grup me Kosovën, por nuk do të përballet me dardanët në mars. Zvicra e hap fushatën kualifikuese kundër Bjellorusisë më 25 mars në Novi Sad të Serbisë, për shkak se UEFA ia ndaloi shtetit fqinj të Rusisë t’i luajë ndeshjet si vendas në vendin e vet për shkak të luftës në Ukrainë.
Tri ditë më vonë, favoriti i Grupit I kualifikues e pret Izraelin, rivalin e drejtpërdrejt të Kosovës për vendin e dytë.
Kombëtarja helvetike i thirri tre shqiptarë të Kosovës në ekipin e vet kombëtar për ndeshjet kualifikuese për Kampionatin Evropian 2024 kundër Bjellorusisë dhe Izraelit.
Por tani dy prej tyre do të mungojnë, pasi Zvicra njoftoi të hënën se as Xherdan Shaqiri e as Andi Zeqiri nuk mund të luajnë shkaku i lëndimeve.
Ardon Jashari, një tjetër lojtar premtues që mund të vinte te Kosova dhe përfundoi te Zvicra, nuk u ftua nga Yakin për këto dy ndeshje.
Discussion about this post