Një dokumentar i FIFA-s i prodhuar për Katar 2022, ka zbuluar më në fund një nga momentet më të çuditshme të këtij evenimenti. “Çfarë ke që sheh, budalla!”, është një nga frazat që ka hyrë në histori nga ky turne, një frazë që Messi ia tha Weghorst pas përfundimit të ndeshjes Argjentinë-Holandë në çerekfinalet e turneut.
Në media kishte spekulime nga më të ndryshmet rreth situatës që u krijua gjatë intervistës së Messit dhe ky i fundit vetë foli për provokime. Por në dokumentarin e titulluar “I shkruar në yje”, FIFA ka publikuar videon e atij momenti.
https://twitter.com/i/status/1639874799764926464
Aty shfaqet fillimisht Weghorst i cili po priste pas kamerave duke parë argjentinasin. Në atë moment, Messi shpërthen me reagimin e tij të famshëm ndaj holandezit. Më pas Weghorst shfaqet teksa shkon drejt Messit i cili kishte përqafuar De Paul, duke i zgjatur dorën. Por argjentinasi e injoron plotësisht.
Pamjet më vonë shfaqin Weghorst duke komunikuar me Lautaro Martinez dhe me Kun Aguero. “Unë thjesht po e prisja që t’i jepja dorën, kjo është mungesë respekti”, tha ai para se të largohej i mërzitur për sjelljen e pahijshme të yllit argjentinas.
Discussion about this post