Në vendimin e marrë sot nga Këshilli i Ministrave janë ndryshuar prefektët e dy qarqeve, Tiranë dhe Elbasan.
Kryeministri ka shkarkuar prefektin qe kishte vetëm pak muaj që e kishte e emëruar dhe në vend të tij ka vendosur pedagogen e Universitetit të Elbasanit Majlinda Peza, duke zëvendësuar në këtë detyrë Spiro Maliqin.
Majlinda Peza mësohet se është pedagoge në Universitetin e Elbasanit “Aleksandër Xhuvani”, si ka qenë zëvendës Dekane e fakultetit të Shkencave Humane.
Kujtojmë se ndryshime u bën edhe në prefekturën e Tiranës, ku Afrim Qëndro zëvendëson Mersin Muratajn, i cili është liruar nga detyra.
Partia Sociliste ka bërë disa ndryshime në qarqe, duke filluar që nga drejtuesit politikë, ministra, zëvendës ministra dhe prefektura. Një ndryshim surprizë ishte edhe drejtimi i qarqeve ku Damian Gjiknuri i zuri vendin Taulant Ballës edhe në PS si sekretar të përgjithshëm, edhe në krye të qarkut të Elbasanit si drejtues Politik. Ndryshime të cilat po pasojnë edhe lëvizjet e fundit, pasi sipas mediave Maliqi konsiderohet si një nga njerëzit e Taulant Ballës.
Discussion about this post