Kryedemokrati Sali Berisha është bërë bashkë me deputeten e Partisë së Lirisë, Monika Kryemadhi në Fier, në prezantimin e kandidatin të koalicionit ‘Bshkë Fitojmë’, Evdar Kodheli.
Kryemadhi në fjalën e saj është shprehur se socialistët e vërtetë duhet të votojnë Kodhelin dhe duhet të kuptojnë se ajo që rëndon mbi ta është presioni dhe dhuna e ushtruar nga Rilindja. Sipas Kryemadhi, kryebashkiaku i Fierit Armando Subashi është i përfshirë në ‘pazare’ në mënyrë që të shamngë përballjen me drejtësinë. Deputetja përmendi rafineritë e naftës dhe tha se ato janë mbyllur dhe naftëtarët kanë mbetur të papunë, por sërish Partia Socialiste u kërkon vota.
“Një nga problemet më të mëdha që ka Rama sot, është që nuk ka një sallë më të madhe për të bërtitur Berisha, Berisha, Berisha. Ndryshimi vjen nga duart tuaja. Doktor Sali Berisha na mësoi dhe ne të rinjve një gjë të vërtetë. Mos kini frikë të përballeni me mashtrimin dhe krimin. Djemtë dhe vajzat e Fierit sot janë larguar nga qyteti, për shkak të mungesës së punësimit. Sot në Fier ke vetëm pensionistë dhe të papunë dhe djemtë e vajzat e Fierit janë rrugëve të Europës. Sot ne kemi përballë Armando Subashin, që bën pazar për të mos u paraqitur përballë drejtësisë.
Ai bën sikur ka bërë investime të mëdha. Por kemi vetëm rafineritë e naftës të mbyllura, kemi naftëtarët pa punë, kemi turizmin që thuajse nuk ekziston. Kemi bujqësinë e cila shkatërrohet çdo ditë dhe më shumë edhe për shkak të subvecioneve. Kemi besim se kandidati ynë Evdar Kodheli do të paraqesë planin më të mirë për qytetin e Fierit. Ftoj të gjithë socialistët e vërtetë, që e dinë sa vuajnë nga dhuna dhe presioni i Rilindjes, për të mos arritur aty ku duhet. Unë mendoj që një pagë 3 mujore nuk vlen sa jeta e qytetarëve të Fierit. Jam e bindur se në 14 maj ata do të votojnë kandidatin që do ju japi pushtetin në duart tuaja. Ne kemi nevojë që Fierin ta drejtojnë djemtë dhe vajzat e Fierit. Në 14 maj ju ftoj që të ftojmë gjithë njerëzit tanë të vinë dhe të votojnë koalicionin “Bashkë Fitojmë”,”- tha Kryemadhi.
Discussion about this post