Pak kohë më parë qeveria tha se kemi krizë energjetike dhe shpalli gjendjen e emergjencës, pasi nga ana tjetër kemi dhe probleme të theksuara financiare. Por, kjo situatë nuk i bën aspak përshtypje. Operatori i Sistemit të Shpërndarjes edhe pse është një nga shkaktarët kryesorë të kësaj situate. OSSH shpërfill krizën në të cilën ndodhet vendin dhe harton një plan me investime marramendëse për 2022. Ndërsa, kujtojmë se kryeministri Rama tha se kriza më e thellë do të ndihet në muajt e parë të vitit e vjen.
Por, edhe këto detaje OSSH i anashkalon dhe në dokumentin e paraqitur pranë Entit Rregullator të Energjisë, parashikon që shpenzimet arrijnë në 10.59 mld lekë, ndërkohë që OSSH pohon se kjo vlerë është një nga më të lartat, duke plotësuar vlerat e mbetura të investimeve sipas planit 5-vjeçar të aprovuar 2018-2022.
Sakaq, bie në sy 4.86 mld lekë parashikohet të shkojnë për ndërtim apo rikonstruksionin e rrjetit të tensionit të mesëm dhe të ulët, ndërsa 1.44 mld lekë do të shkojë në ndërtim apo rikonstruksion elektrik për nënstacionet. Gjithashtu, për investimet prioritare në rrjetin e tensionit të ulët me kabëll, janë parashikuar 1.13 mld lekë, ndërsa për blerje pajisje e makineri për nënstacione dhe likujdim avarish, 1 mld lekë. Pra kjo shumë do të shpërndahet për tendera.
Sakaq, vlen të theksohet se edhe gjatë pandemisë OSSH ka bërë shpenzime pa kriter, pavarësisht situatës së vështirë në të cilën ndodhej vendi. Konkretisht, vetëm për 2021, OSSH-së ka shpenzuar rreth 14.3 mld lekë, një nga vlerat rekord të shënuar ndonjëherë.
Discussion about this post