Një 31-vjeçar shqiptar ka mbetur i vrarë pas një përleshjeje me armë zjarri të ndodhur në Gjermani. Ngjarja ndodhi në një qebaptore në Reeperbahn.
31-vjeçari ka qenë i ulur në një tavolinë me persona të tjerë, pjesë e grupit të tij shoqëror në momentin që një tjetër ka qëlluar me armë zjarri në drejtim të tij.
Shqiptari ka rënë në tokë dhe është dërguar në spital nga të afërmit e tij, por nuk u ka mbijetuar dot plagëve të marra. Personi që ka qëlluar është larguar nga vendi i krimit dhe nuk është arritur të identifikohet.
Ende nuk është bërë me dije as emri i shqiptarit apo konfliktet në të cilat ai mund të jetë përfshirë.
Discussion about this post