Liverpool këtë fundjavë priti në ‘Anfield’ Arsenalin, për ti dominuar këta të fundit me rezultatin 4-0.
Mane hapi serinë e golave, duke shënuar në minutën e 39’ duke i kaluar ‘the reds’ në avantazh. Arsenal nga ana tjetër u mundua të barazonte shifrat në fushë me aksionet e Aubameyang, por pa mundur të finalizojë, me pjesën e parë qe mbyllet në avantazhin 1-0 për Liverpool.
Në momentet para golit të Mane në stolin e këtij takimi do të acarohej situata mes trajnërëve.
Jurgen Klopp dhe Mikel Arteta, rrezikuan të përplaseshin për një moment, situatë e cila u acarua nga dueli i Sadio Manes dhe Takehiro Tomiyasi, kur Arteta kërkonte ndëshkimin e sulmuesit të Liverpool.
Ky verpim nuk është pritur mirë nga trajneri Jurgen Klopp , i cili flet diçka që në dukej e acaroi së tepërmi Artetën, që nga fotot, duket se ishte gati të përleshej me të, por gjithçka u ndalua nga të pranishmit në stol. Ky veprim i ndëshkoi të dy trajnerët me karton të verdhë.
Fillimi i pjesës së dytë do ta gjente skuadrën e Klopp duke dyfishuar avntazhin falë golit të Jota.
Salah dhe Minamino do të gjenin sërish rrugën e rrjetës në këtë takim, ku golat e tyre i dërgojnë shifrat finale në 4-0, duke ‘trokitur’ tashmë me vetëm katër pikë diferencë në derën e Chelsea, që ndodhen në krye të Premier Ligës me 29 pikë.
Discussion about this post