Që nuk i ka shuar debatet që nga introduksioni, kjo dihet e nuk ka nevojë që ta themi ne, megjithatë, duhej të bënte të paktën që të mos akuzoheshin më arbitrat se po mbanin anën e njërit ekip apo tjetrit.
Sistemi VAR, deri tani, ka dështuar totalisht, ka dhënë një ndihmesë të madhe në zgjedhjet e arbitrave por përsëri, është njeriu që e komandon këtë rrjet monitorësh e kamerash të cilat duke mos qënë 100% vendimtare kanë bërë që të hapet debati nëse duhet ky sistem i kushtueshëm apo jo?
Një personazh publik, më konkretisht, një kryebashkiak ka shkuar aq larg sa ka deklaruar se VAR përdoret për të trukuar ndeshjet akoma më hapur.
Atletico Madrid triumfoi në transfertë ndaj Valladolid me shifrat 2-5 duke marrë një trepikësh që e stabilizon skuadrën në vendin e tretë të renditjes me Los Colchoneros që vijojnë të mendojnë edhe për vendin e dytë në LaLiga.
Megjithatë, pavarësisht rezultatit bindës, te Vallodolid kanë mbetur të pakënaqur në lidhje me disa vendime të arbitrit. Madje, kjo ka shkaktuar edhe reagimin e kryebashkiakut të qytetit, Oscar Puente i cili theksoi se sistemi VAR, ekziston vetëm për të treguar fuqinë duke qenë se në këtë formë mund t’i vjedhin ndeshjet duke të parë në sy.
“Ky kompeticion ka kohë që është vendosur në dyshime të mëdha. Megjithatë, për mua nuk është se ka shumë dyshime, ato ishin në të kaluarën. Edhe sistemi VAR ekziston për të na thënë se kanë fuqinë për të na vjedhur në sy”, u shpreh Puente.
Duke dëgjuar (ose lexuar) këto akuza të rënda të kryebashkiakut Puente, pyetja bëhet spontane:
Pse nuk e heqim sistemin VAR?
Mbase, do ishte më mirë të riktheheshim në kohët e vjetra, kur debati për vendimet e arbitrit, bënte sens logjik. Është kuptuar qartë tashmë, që VAR, si arbitri “i famshëm” te vija fundore, pa pikë dyshimi “e ha bukën kot”.
Discussion about this post