Sulmuesi i ekipit Kombëtar, Myrto Uzuni shfaqet në një formë krejtësisht të ndryshme kur luan me kuqezinjtë dhe me Ferencvaroshin. Futbollisti në fjalë ka gjetur sërish rrugën e rrjetës me skuadrën hungareze në fitoren 3-0 që Ferencvarosh arriti ndaj Fehervarit. 26 vjeçari mori një asist perfekt në minutën e 58 të cilën e shndërroi në gol. Për Uzunin ishte realizimi i gjashtë këtë edicion të kampionatit hungarez.
Uzuni është një ndër lojtarët kyç të skuadrës në fjalë duke luajtur titullar thuajse në çdo ndeshje. Sidoqoftë, me ekipin Kombëtar sulmuesi ka lënë shumë për të dëshiruar ku ka humbur rase të pabesueshme në ndeshjet me deçizive. Golin e fundit me Shqipërinë, Uzuni e ka shënuar ndaj San Marinos.
Discussion about this post