Sulmuesi i Lazios, Ciro Immobile mori pjesë në një ndeshje bamirësie në një cilësi të veçantë. Nuk ndodh çdo ditë të shohësh në rolin e arbitrit një lojtar të Seria A. Ndodhi pasditen e së dielës në Formello, me Ciro Immobile në rolin e pazakontë të gjyqtarit të ndeshjes, i kompletuar me uniformë arbitri dhe bilbil në gojë.
Qendra sportive e Lazios priti një ndeshje miqësore midis ekipit të Papës (një lloj ekipi kombëtar i Vatikanit, i përbërë nga punonjës të Shtetit Papnor) dhe një përzgjedhjeje të Organizatës Botërore Rome (shoqata që mbron të drejtat e popullatave etnike rome). Teknik të dy skuadrave ishin ish-trajneri i Lazios dhe trajneri aktual i Shqipërisë Edy Reja (për përfaqësuesen e Vatikanit) dhe trajneri aktual i Lazios Maurizio Sarri (për përzgjedhjen e Romës) raporton ‘Gazzetta.it’.
“Një përvojë unike dhe emocionuese – tha Immobile -. Është mirë që mora pjesë në këtë event të kërkuar nga Papa. Dhe ishte një nder që u zgjodha si arbitër i ndeshjes”. Megjithatë, Immobile ka folur edhe për ndeshjen e së shtunës ndaj Lazios, të cilën pavarësisht vetes është detyruar ta shikojë nga tribuna.
“Më pëlqeu Lazio pavarësisht humbjes. Ne humbëm vetëm hapin e fundit, por performanca ishte e mirë. Pas ndeshjes isha në dhomat e zhveshjes dhe u thashë bashkëlojtarëve se nëse vazhdojmë të luajmë kështu do të kemi shumë kënaqësi këtë vit”./K.T/Gijotina.com
Discussion about this post