I arrestuar 5 herë brenda 7 muajve, pranga shqiptarit në Itali

Një shqiptar është arrestuar pesë herë brenda shtatë muajve. Bëhet fjalë për një 35-vjeçar, i cili akuzohet për trafik droge.

Shqiptari është futur sërish në telashe, edhe këtë herë për çështje të trafikut të drogës.

Ditën e djeshme agjentët u paraqitën në derën e shtëpisë së tij dhe ekzekutuan një urdhër për kontrollin e banesës, ndërkohë u ndalua dhe një i afërm i shqiptarit, i cili tentoi që të fshihte tre doza kokainë.

Gjatë kontrolleve në banesë, të riut iu gjet një sasi droge si dhe 1500 euro cash që besohet se ishin të ardhura nga shitja e drogës.