Deputetja Jorida Tabaku nuk dha sot një përgjigje të prerë nëse do të pranonte ose jo të merrte drejtimin e përkohshëm të Partisë Demokratike, sikundër I është propozuar nga Gazment Bardhi, pas dorëheqjes së të komanduarit Enkelejd Alibeaj.
Pas një mbledhjeje të grupit parlamentar të thirrur nga Gazment Bardhi, Tabaku tha se opozita duhet të mësojë nga gabimet dhe humbja në zgjedhjet lokale.
Ajo theksoi se do të nisë një tur diskutimesh me demokratët e qytetarët se çfarë mund të bëhet për të përmirësuar situatën.
“Besoj se ne nuk mund të sillemi sikur nuk ka ndodhur asgjë, dhe diskutuam vendimet që mund të marrin. Opozita në 14 maj mori rezultatin si kurrë më parë në 32 vite, kemi nevojë të nisim një tur diskutimesh me demokratët dhe qytetarët”, tha ajo.
Do e pranoni postin e kryetares së propozuar nga zoti Bardhi?
Çdo vendim do merret bashkarisht, po diskutojmë deputetët se çfarë duhet bërë dhe mos të përsërisim gabimet e së shkuarës.
Discussion about this post