Trajneri i skuadrës së Chelseat, Thomas Tuchel ka analizuar vigjiljen e përballjes me Juventusin ku do të vendosen fatet për vendin e parë në grup. Gjermani ka theksuar se skuadra e tij do të bëjë maksimumin për të arritur këtë objektiv.
“Ne do të përpiqemi të fitojmë ndeshjen, kjo është qasja jonë ndaj ndeshjeve. Sigurisht që nuk duam të rrezikojmë kualifikimin, por nëse ka një shans për të fituar ndeshjen, ne do të përpiqemi. Nuk jam i sigurt nëse Romelu mund të luajë ende, të shohim si do të jetë pas stërvitjes. Do të flas me mjekun dhe fizioterapistët, ndoshta ai mund të jetë pjesë e skuadrës.
Ne gjithmonë kemi opsione, varet nga lojtarët. Kur Timo dhe Romelu nuk janë aty, ne duhet të kemi zgjidhje të tjera.
Në çdo rast Timo është në dispozicion, ai është me skuadrën. Kovacic është jashtë, Jorginho është mirë, ndërsa Havertz ka pasur probleme dhe është në dyshim”, tha Thuchel.
Discussion about this post