Ngjarjet në fillim të kësaj jave në Belgorod , provincën ruse pranë kufirit me Ukrainën që u vu nën sulmin e personave të armatosur, kanë sjellë në qendër të vëmendjes aktivitetet e rusëve të cilët flasin hapur për rrëzimin e Presidentit Vladimir Putin.
Ky nuk ishte sulmi i tyre i parë – kjo u pranua edhe nga autoritetet ruse – por padyshim më mbresëlënësi, pasi rezultoi në dhjetëra të vdekur , sipas Rusisë.
Burri i paidentifikuar, i përket Trupave Vullnetare Ruse , një njësi ushtarake e krijuar nga nacionalistët e arratisur të ekstremit të djathtë të dëbuar nga Rusia. Grupi pranon vetëm shtetas rusë si anëtarë.
Moska, e cila heziton të pranojë publikisht se rusët po luftojnë për Ukrainën, fajësoi Kievin për pushtimin, një pretendim që u mohua shpejt. Kievi, nga ana e tij, tha se po vëzhgon me interes, por, natyrisht, nuk merr përgjegjësinë për sulme të këtij lloji në tokën ruse.
E djathta ekstremiste ruse në Ukrainë
‘Legjioni rus i Lirisë’, nuk është i vetmi grup i ekstremit të djathtë, ultra-nacionalist, racist në Rusi. Dhjetëra mijëra njerëz janë të përfshirë në grupe të tilla që kanë lindur që nga viti 2000, kur Vladimir Putin mori frenat e vendit.
Discussion about this post