Veç 11-shes që do të jetë në fushën e lojës, nga ekipi i parë në stol do të jetë Tafa dhe Kiri, dy lojtarë që nuk kanë luajtur asnjëherë në Superiore aq sa për të qenë vendimtarë në fushë.
Veç të dëmtuarve Patrik, Nikqi dhe Lushkja, ekipit do t’i mungojnë të dënuarit e disiplinës.
Jashtë nga titullarët janë Aleksi, Hasani, Bekaj dhe Lulaj. Nga rezervat mungojnë Gjumsi, Iseni. Shkurt një skuadër futbolli së bashku me të dëmtuarit.
Tirana ka vetëm 11 futbollistë, plus Tafën dhe Kirin, e për ta mbushur stolin e rezervave ka marrë titullarët e 19-vjeçarëve.
Në fushë, Shehi do të hedhë më të mirët edhe pse presioni ka qenë i madh që ekipi të luajë me 19-vjeçarët.
Do të shihet në fushën e lojës me cilët lojtarë, Tirana do të paraqitet në “Niko Dovana” për sfidën e fundit në Superiore për këtë sezon futbolistik.
Formacioni i mundshëm:
Tirana: Lika, Toshevski, Najdovski, Behiratçe, Përgjoni, Deliu, Qefalija, Hila, Haxhiu, Abazaj, Berisha
Trajner. Orges Shehi
Discussion about this post